အူရီဒူးမြန်မာမှ မြန်မာနိုင်ငံတွင်း ဒစ်ဂျစ်တယ်ကွာဟချက်ကို ဖြည့်ဆည်းပေးနိုင်ရန် ကျပ်သိန်းပေါင်း ၄၄၂၀ ကျော်တန်ဖိုးရှိ ဒစ်ဂျစ်တယ်ကိရိယာများ လှူဒါန်
စာကြည့်တိုက်အသုံးပြုသူများ၊ စာကြည့်တိုက်မှူးများ၊ ဘုန်းတော်ကြီးသင်ပညာရေးကျောင်းများမှ သင်ကြားပြသသူများ၊ စာသင်သားများ၊ ဒစ်ဂျစ်တယ်စာကြည့်တိုက် ပရောဂျက်များမှ သင်တန်းဆရာများနှင့် သင်တန်းသားများ၊ Tech Age Girls ပရိုဂရမ်တွင် ပါဝင်သူအချို့နှင့်၊ မြန်မာနိုင်ငံ အပူပိုင်းဒေသများဖြစ်ကြသော မြင်းခြံနှင့်ညောင်ဦးတို့တွင် လုပ်ဆောင်လျက်ရှိသည့် ရေရှည်တည်တံ့ခိုင်မြဲသော စီးပွားရေးလုပ်ငန်းများနှင့် စိုက်ပျိုးရေးဆိုင်ရာ ဖွံဖြိုးတိုးတက်ရေး စီမံကိန်း (SEAD) စီမံကိန်းတွင် ပါဝင်သည့် လယ်သမားများသည် အူရီဒူး၏ ပံ့ပိုးကူညီမှုများနှင့် ၎င်း၏ ခေတ်မီဒစ်ဂျစ်တယ်နည်းပညာကို အသုံးချခြင်းဖြင့် အသိပညာများနှင့် ဒစ်ဂျစ်တယ်ဗဟုသုတများ ရရှိနိုင်မည်ဖြစ်သည်။ အူရီဒူးမြန်မာ၏ Head of Corporate Communications ဖြစ်သူ ဦးတင့်နိုင်ထွဋ်က “ကျွန်တော်တို့ အူရီဒူးမြန်မာရဲ့ “လူတိုင်းအတွက် ပိုမိုပြီးပြည့်စုံသော ဒစ်ဂျစ်တယ်လူနေမှုဘဝများရရှိအောင် ဖြည့်ဆည်းပေးရန်” ဆိုသည့် ရည်မှန်းချက်နှင့်အညီ ခေတ်မီဆန်းသစ်ကောင်းမွန်သည့် ဒစ်ဂျစ်တယ်ဝန်ဆောင်မှုများနှင့် ထုတ်ကုန်များကို ပေးအပ်နေရုံသာမက ဖွံ့ဖြိုးတိုးတက်မှု အခွင့်အလမ်းများကိုလည်း ရှာဖွေကာ ထောက်ပံ့ပေးလျက်ရှိပါတယ်။ ကျွန်တော်တို့အနေနဲ့ လူမှုအကျိုးပြုလုပ်ငန်းဆောင်ရွက်ရာမှာ အဓိကမဏ္ဍိုင်များဖြစ်ကြသော ပညာရေးနှင့် ကျန်းမာရေး ကဏ္ဍတို့ကို အဓိကဦးစားပေးပြီး နည်းပညာအထောက်အပံ့ဖြင့် မြန်မာနိုင်ငံ၏ ဒစ်ဂျစ်တယ်ဖွံ့ဖြိုး တိုးတက်ရေးအတွက် အထောက်အကူပြုရန်နှင့် ပါဝင်ကူညီရန် အခွင့်အလမ်းများကို ဆက်လက် ရှာဖွေ ပံ့ပိုးပေးသွားမယ်လို့ ကတိပြုပါတယ်။ အူရီဒူးသည် ဝန်ဆောင်မှုသုံးစွဲသူများ အဆက်အသွယ်မပြတ်စေရန်ရှိနေမှာဖြစ်ပါတယ်။” ဟု ပြောကြားခဲ့သည်။ ဘုန်းတော်ကြီးသင်ပညာရေးကဏ္ဍသည် မြန်မာနိုင်ငံရှိ ဆင်းရဲနွမ်းပါးသူများကို ပညာပေးရာတွင် အရေးပါသောကြောင့် အူရီဒူးမြန်မာအနေဖြင့် "မိနစ်များများပြောလေ အူရီဒူးက များများလှူပေးလေ" လူမှုအကျိုးပြုလုပ်ငန်းအစီအစဉ်မှ ဘုန်းတော်ကြီးသင်ပညာရေးကျောင်း များကို ပံ့ပိုးပေးခဲ့ပါသည်။ ၂၀၁၇ ခုနှစ်မှစ၍ ဤအစီအစဉ်မှ စီမံကိန်း ၅၉ ခုဖြင့် လိုအပ်သော စက်ကိရိယာများ၊ အင်တာနက်ချိတ်ဆက်မှုများ၊ လေ့ကျင့်ရေးအစီအစဉ်များ စသည်တို့ အပါအ၀င် အခြေခံ အထောက်အပံ့ပစ္စည်းများနှင့် ကျောင်းအဆောက်အဦ ၃၉ ဆောင်တို့ကို ပံ့ပိုးပေးခဲ့ပါသည်။ ၂၀၁၉ ခုနှစ်မှ စတင်၍လည်း အူရီဒူးမြန်မာသည် UNDP နှင့် ပူးပေါင်း၍ ရေရှည်တည်တံ့ခိုင်မြဲသော စီးပွားရေးလုပ်ငန်းများနှင့် စိုက်ပျိုးရေးဆိုင်ရာဖွံဖြိုးတိုးတက်ရေးစီမံကိန်း (SEAD) စီမံကိန်းဖြင့် မြန်မာနိုင်ငံ အပူပိုင်းဇုန်ဒေသရှိ တောင်သူများ၏ အသက်မွေးဝမ်းကြောင်းကို မြှင့်တင်ပေးခဲ့ပါသည်။ အူရီဒူးမြန်မာ၏ ပံ့ပိုးကူညီမှုဖြင့် ၎င်းလူမှုအသိုင်းအဝိုင်းအသီးသီးရှိ မြန်မာပြည်သူပြည်သားများ အနေဖြင့် ၎င်းတို့၏ ပညာရေးတိုးတက်မှုနှင့် ဒစ်ဂျစ်တယ်စွမ်းရည်များ တိုးတက်ကောင်းမွန် လာစေရန် အဆိုပါကိရိယာများ၊ router များနှင့် အင်တာနက်ချိတ်ဆက်မှုများကို အသုံးချနိုင်မည် ဖြစ်သည်။
Comments
Post a Comment