အဆင့်မြင့် အိုင်တီနည်းပညာ ကျွမ်းကျင်မှု သင်တန်းသစ် MPT က ဖွင့်လှစ်

 မြန်မာနိုင်ငံ၏ ဆက်သွယ်ရေး အော်ပရေတာဖြစ်သည့် MPT အနေဖြင့် အထူးအောင်မြင်ခဲ့သည့် “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ်၏ နောက်ဆက်တွဲအဖြစ် ၂၀၂၀ ခုနှစ် အတွက် ကွန်ပျူတာပညာ ကျွမ်းကျင်မှု ဆရာဖြစ် သင်တန်းသစ်ကို စတင်ဖွင့်လှစ်ပြီဖြစ်ကြောင်း ယနေ့သတင်းထုတ်ပြန်  ကြေညာလိုက်သည်။

နိုင်ငံတစ်ဝန်းလုံးအတိုင်းအတာဖြင့် ဆောင်ရွက်နေသည့် ဤသင်တန်း အစီအစဉ်ကို MPT  နှင့် NLD ပညာရေး ကွန်ရက် တို့ ပူးပေါင်းစီစဉ်ဆောင်ရွက်နေခြင်းလည်း ဖြစ်သည်။

အဆိုပါ ကွန်ပျူတာပညာ ကျွမ်းကျင်မှု ဆရာဖြစ်သင်တန်းသည် “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ်မှတစ်ဆင့် အောင်မြင်ခဲ့သည့် သင်တန်းသားများကို မိုက်ခရိုဆော့ဖ်  ကွန်ပျူတာ အက်ပလီကေးရှင်း နှင့် အိုင်တီနည်းပညာကျွမ်းကျင်မှု သင်ကြားရေးနည်းလမ်းများကို   သေချာစွာ လေ့ကျင့်သင်ကြားပေးနိုင်ရန် ရည်ရွယ်ထားခြင်း ဖြစ်ကြောင်းသိရသည်။

ကွန်ပျူတာပညာ ကျွမ်းကျင်မှု ဆရာဖြစ်သင်တန်းသို့ တက်ရောက်မည့် သင်တန်းသား (၅၀) အနေဖြင့် သင်တန်းပြီးဆုံးပြီးနောက် မိမိတို့ ကျွမ်းကျင်တတ်မြောက်လာသည့် အဆင့်မြင့် ကွန်ပျူတာပညာများကို နိုင်ငံတစ်ဝန်းရှိ NLD ပညာရေး ကွန်ရက် သင်တန်းကျောင်းများမှတစ်ဆင့် သက်ဆိုင်ရာဒေသများ၌  ပြန်လည်မျှဝေ သင်ကြားပေးနိုင်မည်  ဖြစ်သည်။ ၂၀၂၀ ခုနှစ်အတွက် ကွန်ပျူတာပညာ ကျွမ်းကျင်မှု ဆရာဖြစ်သင်တန်း ပထမအသုတ်ကို သင်တန်းသား (၂၅) ဦးဖြင့် ၂၀၁၉ ခုနှစ်၊ စက်တင်ဘာလ (၉) ရက်တွင် ရန်ကုန်မြို့ရှိ MPT သင်တန်းကျောင်း၌ စတင်ဖွင့်လှစ်လိုက်ပြီ ဟုသိရသည်။

“MPT အနေနဲ့ မြန်မာနိုင်ငံက အခွင့်အရေးနည်းပါးလှတဲ့ လူငယ်တွေကို တစ်ဖက်တစ်လမ်းကနေ  ကွန်ပျူတာပညာ ကျွမ်းကျင်မှုတွေ   မျှဝေသင်ကြားမှုကနေတစ်ဆင့် တစိုက်မတ်မတ်နဲ့ ကူညီပံ့ပိုးပေးဖို့ ရည်ရွယ်ထားပါတယ်။  ဒီဂျစ်တယ်နည်းပညာတွေက ကုန်ထုတ်လုပ်မှုစွမ်းအားကို တိုးတက်စေနိုင်သလို စီးပွားရေးဆိုင်ရာ အခွင့်အလမ်းသစ်တွေကို ဖန်တီးပေးနိုင်မှာဖြစ်ပါတယ်။ ဒါပေမယ့်  နိုင်ငံ့စီးပွားရေး ဖွံ့ဖြိုး တိုးတက်အောင်မြင်မှုအတွက် ဒီဂျစ်တယ်နည်းပညာ ကျွမ်းကျင်တတ်မြောက်သူတွေ   လုံလုံလောက်  လောက် ရှိနေဖို့လည်းလိုအပ်ပါတယ်။ မိုဘိုင်းလ် အင်တာနက်နဲ့ ကွန်ပျူတာ နည်းပညာတွေ တိုးတက်လာတာနဲ့အမျှ နိုင်ငံရဲ့ ခေတ်မီ ဒီဂျစ်တယ်စီးပွားရေးစနစ်ကို တည်ဆောက်ရာ မှာ မြန်မာနိုင်ငံသားအားလုံး ပါဝင်ခွင့်ရရှိစေဖို့အတွက်လည်း ကျွန်တော်တို့အနေနဲ့ ရည်မှန်းထားပါတယ်။” ဟု MPT-KSGM Joint Operations ၏ လုပ်ငန်းလည်ပတ်မှု ဌာနကြီးမှ ဒုတိယအရာရှိချုပ်ဖြစ်သူ ဦးမြင့်သိန်းထွန်း က  ပြောကြားခဲ့သည်။ 

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် ကော်မတီဝင် ဒေါက်တာမျိုးညွန့်ကလည်း “ရရှိနိုင်တဲ့ သတင်းနည်းပညာရင်းမြစ်တွေအားလုံးကို ဘယ်လိုအသုံးချနိုင်မယ်ဆိုတဲ့ နည်းလမ်းနဲ့ ပတ်သက်ပြီး သင်တန်းဆရာတွေကို လေ့ကျင့်ပေးနိုင်မယ့် လုပ်ငန်းစဉ်ဟာ ဒီဂျစ်တယ်ကျွမ်းကျင်မှု ပညာရပ်တွေကိုဖြန့်ဝေရေးအတွက် အထူးပဲအရေးပါလှတဲ့အပြင် ကျွန်တော်တို့နိုင်ငံသားတွေကိုလည်း အကျိုးအမြတ်တွေ ဖြစ်ထွန်းစေမှာဖြစ်ပါတယ်။ လက်ရှိ အနေအထားအရ နိုင်ငံတစ်ဝန်းက အသေးစားနဲ့ အလတ်စား စီးပွားရေးလုပ်ငန်းတွေမှာ ဒီဂျစ်တယ်နည်းပညာတွေရဲ့ အကျိုးကျေးဇူးကို အပြည့်အဝ ရရှိခံစားစေနိုင်မယ့် ကျွမ်းကျင်တတ်မြောက်မှုနဲ့ လုပ်ငန်းလည်ပတ်မှု အတွေ့အကြုံတွေမရှိသေး တာကြောင့် MPT ကနေ အခုလိုမျိုး ဒီဂျစ်တယ်နည်းပညာကျွမ်းကျင်မှုဆိုင်ရာ သင်တန်းတွေ ဖွင့်လှစ်သင်ကြားပေးနေတာကို ကျေးဇူးတင် ဝမ်းမြောက်မိပါတယ်။” ဟု ပြောကြားသွားခဲ့သည်။

 “ရှေ့သို့လှမ်းချီ ဒီဂျစ်တယ်ပညာရေးဆီ” အစီအစဉ်ကို MPT နှင့် NLD ပညာရေး ကွန်ရက်တို့ ပူးပေါင်း၍ မြို့ပြများတွင်သာမက မြို့ပြမဟုတ်သည့် ဒေသများတွင် နေထိုင်သော လူငယ်များအား ပညာရေးနှင့် နည်းပညာပိုင်းတို့ကို လက်လှမ်းမီစေရန်အတွက် စီစဉ်ဆောင်ရွက်နေခြင်းဖြစ်သည်။ ၎င်းအစီအစဉ် စတင်ခဲ့သည့် ၂၀၁၆ ခုနှစ်မှ စတင်ပြီး နိုင်ငံတစ်ဝန်းမှ ကျောင်းသူ၊ ကျောင်းသားပေါင်း (၅,၀၀၀) ကျော်သည် MPT  ၏ ယခုအစီအစဉ်မှတစ်ဆင့် ကွန်ပျူတာ နည်းပညာ ကျွမ်းကျင်မှုပညာရပ်များ တတ်မြောက်ခဲ့ပြီး ဖြစ်ကြောင်းသိရသည်။