အဆောင်အိပ်မက်နိဒါန်း(၂)ရုပ်သံဇာတ်လမ်းတွဲကန်တော့ပွဲကိုစက်တင်ဘာလ၁၂ရက်နေ့ကရန်ကုန်မြို့ရွှေတိဂုံဘုရားအောင်မြေတွင်ပြုလုပ်ခဲ့သည်။
အဆောင်အိပ်မက်နိဒါန်း(၁)ရုပ်သံဇာတ်လမ်းတွဲပြသခဲ့ပြီးယခုထပ်မံ၍အဆောင်အိပ်မက်နိဒါန်း(၂)ရုပ်သံဇာတ်လမ်းတွဲကိုထပ်မံရိုက်ကူးသွားမည်ဖြစ်သည်။
ယခုဒုတိယပိုင်းတွင်အပိုင်းတွဲ၂၄ပိုင်းရိုက်ကူးသွားမည်ဖြစ်ပြီးစက်တင်ဘာလနောက်ဆုံးပတ်(သို့)အောက်တိုဘာလပထမပတ်တွင်တွင်စတင်ရိုက်ကူးသွားမည်ဖြစ်ကြောင်းအချိန်သုံးလကျော်ကြာရိုက်ကူးသွားမည်ဖြစ်ကြောင်းသိရသည်။
"ပြီးခဲ့တဲ့အခေါက်ကလည်းအဆောင်သူရှစ်ယောက်ရဲ့ဇာတ်လမ်းပဲအခုလဲအဆောင်သူရှစ်ယောက်ရဲ့ဇာတ်လမ်းကိုတည်ပြီးမှဖြစ်ပေါ်လာတာပေါ့အဆောင်မှာလူတွေနေကြတယ်လူတွေနေရင်းနဲ့ရုန်းကန်မှုနဲ့ကြီးပွားတိုးတက်မှုကိုလုပ်ရင်းနဲ့ဖြစ်တဲ့ဇာတ်လမ်းထဲမှာပါဝင်လာတဲ့သူတွေကိုမြင်ရတာပဲဖြစ်ပါတယ်"ဟုအဆောင်ဇာတ်လမ်းတွဲကိုရိုက်ကူးသည့်အကယ်ဒမီမလိခစိုးထိုက်အောင်ကပြောသည်။
အဆောင်သူရှစ်ယောက်၏အဖြစ်အပျက်ရှစ်ခုကိုပြသရိုက်ကူးသွားမည်ဖြစ်သည့်အတွက်အဆောင်သူများ၏အခက်အခဲများဘဝရပ်တည်ရန်ခက်ခဲစွာရုန်းကန်နေကြသူများလွတ်လပ်မှုအတွက်အဆောင်နေကြသူများစသည့်အကြောင်းအရာမျိုးစုံကိုထည့်သွင်းရိုက်ကူးသွားမှာဖြစ်ကြောင်းသိရသည်။
အဆောင်အိပ်မက်နိဒါန်း(၂)ဇာတ်လမ်းတွဲကိုStaller Seven ထုတ်လုပ်ရေးမှထုတ်လုပ်ရိုက်ကူးသွားမည်ဖြစ်ရာဇာတ်လမ်းနှင့်ဇာတ်ညွှန်းမယ်ခိုင်နှင့်ရွှေပြည်တို့မှရေးသားထားပြီးအကယ်ဒမီမလိခစိုးထိုက်အောင်းမှသရုပ်ဆောင်ရဲအောင်၊ပြေဇင်၊ညီထွဋ်ခေါင်၊ငြိမ်းသော်၊ Russell ၊ထူးပြည့်အောင် ၊Young P၊ဆုမြတ်နိုးဦး၊စင်ယွန်းဝတီဦး၊ဆုထက်ထက်၊မေစီမေ၊ မေသက်ကျော်၊ထွန်းအိန္ဒြာနိုင် ၊ချစ်မေတ္တာချို ၊အိမ့်မှူးကေသွယ်နှင့်သရုပ်ဆောင်များစွာဖြင့်ရိုက်ကူးသွားမည်ဖြစ်သည်။
Comments
Post a Comment