Vocational Training နေပြည်တော် အစိုးရနည်းပညာအထက်တန်းကျောင်းတွင်Samsung Myanmar ၇ ကြိမ်​​မြောက်စတင်​

Samsung Myanmar သည် ယခုနှစ် Samsung Tech Institute အစီအစဉ်၏ Vocational Training အား နေပြည်တော်ရှိ အစိုးရနည်းပညာအထက်တန်းကျောင်းတွင် စတင်ဖွင့်လှစ်​လို​က်​​ကြောင်း သိရသည်​။

“ကျွန်တော်တို့နိုင်ငံမှာ စမတ်ဖုန်းသုံးစွဲသူ လူဦးရေများပြားလာတာနဲ့အမျှ မိုဘိုင်းဖုန်း နည်းပညာနယ်ပယ်မှာ ကျွမ်းကျင်ပညာရှင်တွေ အများကြီးလိုအပ်နေပါတယ်။ ဒါကြောင့် Samsung Myanmar အနေနဲ့ ဒီလိုအပ်ချက်ကို ဖြည့်ဆည်းပေးဖို့ လူငယ်တွေအတွက် အသက်မွေးဝမ်းကျောင်းဆိုင်ရာသင်တန်းတွေကို နှစ်စဉ်ဖွင့်လှစ်ပြီး တစ်ဖက်တစ်လှမ်းကနေ ကူညီပံ့ပိုးပေးနေတာဖြစ်ပါတယ်။ ဒီသင်တန်းကနေ မြန်မာနိုင်ငံရဲ့အုပ်ချုပ်ရေးမြို့တော်ဖြစ်တဲ့ နေပြည်တော်နဲ့ ပတ်ဝန်းကျင်မြို့တွေက ဒေသခံတွေအားကိုးအားထားလို့ရတဲ့ မိုဘိုင်းဖုန်းပြုပြင်တဲ့နေရာမှာ ကျွမ်းကျင်တဲ့ ပညာရှင်တွေကို မွေးထုတ်ပေးနိုင်လိမ့်မယ်လို့ ယုံကြည်ပါတယ်။” ဟု Samsung Myanmar ၏ Public Relations and Citizenship Manager ဖြစ်သူ ကိုစိုးသူရမှ ပြောကြားသည်။

မိုဘိုင်းဖုန်း လက်တွေ့အသုံးချပြုပြင်နည်းစနစ်များအား ကျောင်းသား၊ကျောင်းသူ ၅၀ ဦးအား ၂၀၁၉ ခုနှစ် ဇွန်လ ၁၇ ရက်နေ့မှ ဇူလိုင်လ ၁၇ ရက်နေ့အထိ တစ်လကြာစာတွေ့လက်တွေ့ ပို့ချသင်ကြားပေးသွားမည် ဖြစ်ပြီး ကျွမ်းကျင်နည်းပြဆရာများမှ အနီးကပ်သင်ကြားပေးသွားမည်ဖြစ်သည်။ သင်တန်းပြီးဆုံးချိန်တွင် ရေးဖြေစာမေးပွဲနှင့်တကွ အမှန်တကယ် တတ်မြောက်မှု ရှိ မရှိ လက်တွေ့ဖြေဆိုခြင်း စာမေးပွဲများဖြင့် စစ်ဆေးမှု ပြုလုပ်ကာ ပထမ၊ ဒုတိယ၊ တတိယနှင့် နှစ်သိမ့်ဆုများ အသီးအသီးပေးအပ်ချီးမြင့်သွားမည် ဖြစ်သည်။

သင်တန်းဖွင့်ပွဲတွင် သင်တန်းသူ၊ သင်တန်းသားများအား မိုဘိုင်းလ်ဖုန်း ပြုပြင်ရေးဆိုင်ရာ သင်ထောက်ကူ ပစ္စည်းကိရိယာများအပြင်၊ Samsung တံဆိပ်ပါဝင်သော တီရှပ်များ၊ စာအုပ်များ၊ ဘောပင်များနှင့် လွယ်အိတ်များအား Samsung Myanmar မှ ပေးအပ်ခဲ့သည့်အပြင် သင်တန်းသူ၊ သင်တန်းသားများ၏ နေ့စဉ်အသုံးစရိတ်အဖြစ် တစ်ဦးလျှင် ငွေကျပ် ၁၃၀၀၀၀ စီ ထောက်ပံ့ပေးသွားမည်ဖြစ်သည်။

Samsung Myanmar မှ  လူမှုအကျိုးပြုအစီအစဉ်များတွင်​ တစ်ခုဖြစ်သော Samsung Tech Institute ၏ Vocational Training ကို မြန်မာနိုင်ငံတစ်ဝှမ်းရှိ အစိုးရနည်းပညာတက္ကသိုလ်များနှင့်အစိုးရနည်းပညာ အထက်တန်းကျောင်းများမှ ကျောင်းသား၊ကျောင်းသူများအတွက် ၂၀၁၆ မှစတင်၍ ရန်ကုန်၊ မန္တလေး၊ တောင်ငူနှင့် လွိုင်ကော်မြို့များတွင် ဖွင့်လှစ်ပေးခဲ့တာ(၇) ကြိမ်ရှိခဲ့ပြီဖြစ်ေ​ကြာင်းသိရသည်​။