ငွေသားကိုင်တွယ်သုံးစွဲမှု မရှိသော ငွေပေးချေမှုစနစ်ကို အသုံးပြုရန်မြန်မာနိုင်ငံသားများ ပိုမိုစိတ်ဝင်စားလာ

Visa မှ သုံးစွဲသူမြန်မာနိုင်ငံသားများ၏ ငွေပေးချေမှုဆိုင်ရာ အလေ့အထများအကြောင်း  (လေ့လာဆန်းစစ်ချက်) ကို ယနေ့ သတင်းထုတ်ပြန်လိုက်​ကြောင်းသိရသည်​။

ယင်းလေ့လာဆန်းစစ်ချက်သည် မြန်မာလူမျိုးများ၏ ငွေပေးချေမှုနှင့် ထွက်ပေါ်လာသော ငွေပေးချေမှုနည်းလမ်းများ၁ နှင့် စပ်လျဉ်း၍ မြန်မာနိုင်ငံသားများ၏ လက်ခံနားလည်မှု၊ သဘောထားနှင့် အလေ့အကျင့်များအကြောင်းကို လေ့လာသုံးသပ်၍ တိကျနက်နဲစွာ တင်ပြထားသော အစီရင်ခံစာတစ်ရပ်ဖြစ်သည်။

မြန်မာနိုင်ငံသားများသည် ငွေကြေးဆိုင်ရာထုတ်ကုန်များကို ယမန်နှစ်ထက် ပိုမိုအသုံးပြုလာလိုကြောင်း လေ့လာ ဆန်းစစ်ချက်မှ တွေ့ရှိရသည်။ ဘဏ်များနှင့် စပ်လျဉ်း၍ လုံခြုံမှု၊ ယုံကြည်မှုနှင့် ငွေပေးချေမှုများအပေါ် ဆက်လက်၍  ပိုမိုကောင်းမွန်စွာ သိရှိနားလည်လာကြ​ကြောင်းသိရသည်​။

“မြန်မာနိုင်ငံမှာ အစောဆုံး ရင်းနှီးမြှပ်နှံကြသူတွေထဲက တစ်ယောက်အနေနဲ့ Visa ဟာ ဒီလေ့လာ ဆန်းစစ်ချက်ကို ပြုလုပ်ပြီး တွေ့ရှိချက်တွေကို သက်ဆိုင်ရာနယ်ပယ်နဲ့ ပြည်သူလူထုကို အကျယ်တဝင့် ဝေမျှ ရတဲ့အတွက် ဂုဏ်ယူပါတယ်။ ဘဏ်နဲ့ အီလက်ထရောနစ်ငွေပေးချေမှုများဟာ လူတွေရဲ့ ဘဝနေထိုင်မှုနဲ့ နိုင်ငံတော်ရဲ့ ဦးတည်လျောက်လှမ်းနေတဲ့ ဒစ်ဂျစ်တယ်စီးပွားရေးဆီကို အရှိန်အဟုန်မြင့်စွာလှမ်းလျှောက်နိုင်ဖို့ အခွင့်အရေးတွေပေးတယ်ဆိုတာ မြန်မာနိုင်ငံသားများအနေနဲ့ နားလည်ဖို့အရေးကြီးပါတယ်” ဟု Visa Myanmar ၏ Country Manager ဖြစ်သူ Lillia Wang က ပြောကြား
ခဲ့သည်​။

လေ့လာဆန်းစစ်ချက်အရ ဖြေဆိုသူ ၄၁ ရာခိုင်နှုန်းမှာ ယခုအခါ ဘဏ်စာရင်းရှိကြောင်း ပြောဆိုပြီး ယမန်နှစ်တွင် ၃၄ ရာခိုင်နှုန်းသာရှိခဲ့သည်။ ဆက်လက်သိရှိရသည်မှာ စစ်တမ်းတွင် ဘဏ်စာရင်းမရှိသည့်
ဖြေကြားသူ၇၀ ရာခိုင်နှုန်းသည် ယခုနှစ်အတွင်း ဘဏ်စာရင်းဖွင့်ရန် ရည်ရွယ်ထားသည်ဟုသိရသည်​။

Prepaid Card (ကြိုတင်ငွေဖြည့်အသုံးပြုကတ်)၊ Credit Card (အကြွေးဝယ်ကတ်) အစရှိသည့် ငွေပေးချေမှု ကတ်များရရှိရန် စိတ်ဝင်စားမှုနှင့် အသုံးပြုမှုများမှာ သိသိသာသာ မြှင့်တက်ခဲ့ကြောင်း လေ့လာဆန်းစစ်ချက်တွင် တွေ့ရှိရသည်။ ယခုအခါ ဖြေဆိုသူ ၂၆ ရာခိုင်နှုန်းသည် ငွေပေးချေမှုကတ် အသုံးပြုကြပြီး သို့မဟုတ် ပိုင်ဆိုင်ကြပြီး ယမန်နှစ်တွင် ၃ ရာခိုင်နှုန်းခန့်သာရှိသည်။ ထို့အပြင် လူဆယ်ဦးတွင် ခုနှစ်ဦးမှာ ငွေပေးချေမှု ကတ်ရရှိရန် စီစဉ်ထားသည်။ ယခင်နှစ်ကမူ လူဆယ်ဦးတွင် နှစ်ဦးသာ ကတ်ပိုင်ဆိုင်ရန် အစီအစဉ်ရှိသည်ဟုသိရသည်​။

ငွေပေးချေမှုကတ် ရရှိပိုင်ဆိုင်လိုသည့် အဓိက တွန်းအားများမှာ “ခေတ်နှင့်အမီ အချိန်နှင့် တစ်ပြေးညီဖြစ်ရန်” နှင့် “ရိုးရှင်းလွယ်ကူသော ငွေပေးချေမှုတစ်ရပ်ကို လက်လှန်းမီ အသုံးပြုနိုင်ရန်” တို့ ဖြစ်သည်။ ကတ်များ ကိုင်ဆောင်ခြင်းသည် ငွေသားအမြောက်အမြားသယ်ယူသွားခြင်းထက် ပိုမိုလုံခြုံမှုရှိစေပြီး အကြွေအမ်းရသည့် အခက်အခဲများလည်း မရှိတော့သည့်အတွက် ပိုမိုအဆင်ပြေစေသည်ဟု ဖြေဆိုသူများမှ ပြောကြားခဲ့သည်။

“မြန်မာနိုင်ငံသားတို့ရဲ့ ဒစ်ဂျစ်တယ်နည်းလမ်းများနဲ့ ငွေပေးချေမှုများကို လက်ခံကျင့်သုံးလိုတဲ့ စိတ်ဆန္ဒကို အားတက်ဖွယ် တွေ့ရှိရပါတယ်။ ကျွန်ုပ်တို့ဟာ မှန်ကန်တဲ့လမ်းကြောင်းပေါ်ကို ရောက်နေပြီဆိုတာကို ယုံကြည် ပါတယ်။ နောက်ထပ် သုံးစွဲသူတွေနဲ့ ကုန်သည်တွေ အီလက်ထရောနစ်ငွေပေးချေမှုရဲ့ အကျိုးရလဒ်တွေကို နားလည်သိရှိပြီး လက်ခံအသုံးပြုလာဖို့အတွက် တစ်ဖက်တစ်လမ်းကနေ ကူညီထောက်ပံ့ပေးဖို့ဆိုတာ အရေးကြီး ပါတယ်။ ကျွန်ုပ်တို့ဟာ မြန်မာနိုင်ငံမှာ ငွေသားကိုင်တွယ်သုံးစွဲမှုနည်းပါးတဲ့ လူမှုအဖွဲ့အစည်းတစ်ရပ် ဖြစ်ထွန်း လာဖို့ လျှောက်လှမ်းနေသလို တစ်ချိန်တည်းမှာပဲ ငွေပေးချေမှုနယ်ပယ်အတွင်းက မိတ်ဖက်များသာမက အခြားမိတ်ဖက်များနဲ့ပါ အတူတကွ လက်တွဲပူးပေါင်းပြီး ဆန်းသစ်မှုတွေ ဖန်တီးသွားဖို့ ကထိကဝတ်ပြုပါတယ်” ဟု Lillian က နိဂုံးချုပ် ပြောကြားခဲ့သည်။

သုံးစွဲသူမြန်မာနိုင်ငံသားများ၏ ငွေပေးချေမှုဆိုင်ရာ အလေ့အထများအကြောင်း လေ့လာဆန်းစစ်ချက်သည် ရန်ကုန်၊ ပုသိမ်၊ မန္တလေး၊ မကွေး မြို့ကြီးများတွင် စက်တင်ဘာလ ၂၀၁၈ ခုနှစ်တွင် လူပေါင်း ၅၀၄ ယောက်အား စစ်တမ်းကောက်ယူခဲ့ခြင်းဖြစ်​ကြောင်းသိရသည်​။