မြန်မာဆက်သွယ်ရေးအော်ပရေတာ Mytel မှ သရုပ်ဆောင်မင်းသွေးအားရည်စူးပြုလုပ်သောဘုရားအနေကဇာတင်လှူပွဲသို့ ကျပ်သိန်း(၅၀) ပါဝင်လှူဒါန်း
ဆက်သွယ်ရေးအော်ပရေတာ Mytel ၏ အမှတ်တံဆိပ်သံတမန်ဖြစ်သူ နိုင်ငံကျော်ရုပ်ရှင်သရုပ်ဆောင် နေတိုးမှ ဦးစီးပြုလုပ်ခဲ့သည့် ရခိုင်ပြည်နယ်၊ မာန်အောင်မြို့၊ သံကျောက်တောင်တွင်ရှိသည့် ‘မဟာဇေယျသိဒ္ဓိ မဟာမုနိရှင်တော်မြတ်ဘုရားကြီး’ အနေကဇာတင်ပွဲတွင် အလှူငွေအဖြစ် ကျပ်သိန်း ၅၀ ပါဝင်လှူဒါန်း ကုသိုလ်ယူခဲ့
ကြောင်းသိရသည်။
ကြောင်းသိရသည်။
အဆိုပါလှူဒါန်းမှုသည် Mytel ၏ မြန်မာနိုင်ငံတွင်းလုပ်ဆောင်ရန် ရည်ရွယ်ထားသော ပညာရေးကဏ္ဍကို ထောက်ပံ့ပေးခြင်း၊ ယဉ်ကျေးမှု နှင့် ဘာသာသာသနာကို တက်အားသရွေ့ကျရာကဏ္ဍမှ ပါဝင်ကူညီ ထောက်ပံ့ပေးခြင်း စသည့် လူထုအကျိုးပြုလုပ်ငန်းစဉ်များအရ ထည့်ဝင်လှူဒါန်းခဲ့ခြင်းဖြစ်သည်ဟုသိရသည်။
ပြည်သူချစ်အနုပညာရှင် နေတိုးမှ ယခုကဲ့သို့လှူဒါန်းရခြင်း၏ အဓိကအကြောင်းရင်းမှာ ရခိုင်ပြည်နယ်၊ မာန်အောင်ကျွန်းရှိ အခြားသောတောင်များတွင် ဘုရားစေတီရှိသော်လည်း သံတောင်တွင်မူ ဘုရားစေတီ မရှိသေးသည့်အတွက် ကြေးသွန်းရုပ်ပွားတော် နှင့် စေတီတော်တည်ထားလိုသည့် နေတိုး၏ဆုံးပါးသွားပြီး ဖြစ်သော သရုပ်ဆောင်ညီငယ်မင်းသွေး၏ အလှူပြုလိုသည့်ဆန္ဒကို အကောင်အထည်ဖော် ဆောင်ရွက်ပေးခြင်း ဖြစ်သည်ဟုဆိုသည်။
ဆက်လက်ပြီး နေတိုးမှ “ကျွန်တော်နဲ့ Mytel သဘောတူစာချုပ်အရ ပြည်သူတွေအတွက် ဆက်သွယ်ရေးလုပ်ငန်းအပါအဝင် လူထုအကျိုးပြုလုပ်ငန်း၊ သာသနာပြုလုပ်ငန်းတွေ ဆောင်ရွက်ဖို့ သဘောတူခဲ့ပါတယ်။ သံဃာတော်တွေ သီတင်းသုံးနေထိုင်ဖို့ တောင်ပေါ်မှာရှိတဲ့ဝါးကျောင်းဆောင်တွေကို အုတ်ကျောင်းအဖြစ် ဆောက်လုပ်လှူဒါန်းတဲ့နေရာမှာ Mytel က ကျွန်တော်တို့နဲ့အတူ ပါဝင်ပေးတဲ့အတွက် ဝမ်းသာကျေနပ်ပီတိဖြစ်မိပါတယ်။ Mytel က ဆက်သွယ်ရေးရော၊ ပြည်သူအကျိုးပြု လုပ်ငန်းတွေမှာပါ စိတ်အားထက်သန်စွာ လုပ်ကိုင်ပေးတဲ့အတွက် ရခိုင်တိုင်းရင်းသားတစ်ယောက်အနေနဲ့သာမက မာန်အောင်မြို့သား တစ်ယောက်အနေနဲ့ပါ အားလုံးကိုယ်စား Mytel ကို ကျေးဇူးတင်မိပါတယ်” ဟုပြောသည်။
Comments
Post a Comment